Kultureqarnermut ataatsimiititaliap Upernavimmi atuartut ineqarfiliuunneqarnissaat tapersersorpaa

Upernavimmi atuartut ineqarfiat mikivallaalersimasoq pillugu, Upernavimmi kommunalbestyrelsi Inatsisartullu kultureqarnermut ilinniartitaanermullu ataatsimiititaliaat ippassaq ataatsimeeqatigiipput.

Upernavimmi atuartut ineqarfiata mikivallaalersimanera pissutigalugu, Upernaviup nunaqarfiineersut atuartut katillutik 91-it Upernavimmut atuarnerminnik nangitsiartorsinnaanngillat.

Taakkunannga atuartut, pinngitsooratik 10. klasseriartussat, 17-it, ukiaru atuarneq aallarteqqippat suli inissarsineqaratik.

Tamanna pillugu Upernavimmi kommunalbestyrelsi ilinniartitaanermut naalakkersuisumut Henriette Rasmussen-imut saaffiginninniartoq borgmester Jens Immanuelsen oqarpoq.

-Upernavimmi atuartut ineqarfiata allineqarnissaanut aappagu aningaasaliissuteqarnissamut tunngatillugu saaffiginninnissamut Inatsisartut kultureqarnermut ataatsimiititaliaat aalajangiisinnaatitaanngikkaluarluni tapersersuerusuppoq, Jens Immanuelsen oqarpoq.

Erseqqissarpaa Upernaviup kommunalbestyrelsia ukioq manna marsip aallaqqaataa sioqqulluguli aappaagu sanaartugassanut tunngasunik qinnuteqareersimasoq, tassanilu atuartunut 90-inut inissalimmik ineqarfiliornissaq qinnuteqaatigineqarsimasoq.

Upernavimmut 10-klasseriartussanit 22-iusunit 17-it inissarsiniarneranni periarfissat assigiinngitsut maanna misissorneqarput. Jens Immanuelsen oqarpoq atuartut pineqartut ataatsimoortumik illumik ineqarfigisinnaasaannik maanna aaqqiniartoqartoq.

Inatsisartut kultureqarnermut ataatsimiititaliaani siulittaasoq Doris Jakobsen oqarpoq Upernavimmi atuartitaanikkut pissutsit massakkut atuuttut ilungersunartutut ataatsimiititaliamit isigineqartut iliuuseqarfigineqartariaqartullu, meeqqap pinngitsoorani atuartitaanissaq pisinnaatitaaffigimmagu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat