Assi: Thorleifsen Knud-Karl

Kullorsuarmiut suli qerisooqqapput

Nukissiorfiit Kullorsuarmi imermik pilersuiniarnerat suli ajornartorsiutaavoq

Kullorsuarmi imermik pilersuineq decembarip ulluisa 27-nili ajornartorsiutaalerpoq. Erngup aqqutaani qerisumik mililiussimasoqarnera maanna aaqqinneqarsimalerpoq, nutaamillu allamik ajornartorsiuteqalerpoq.

Tassa erngup aqqutaata ilaani 1200 meterinik isorartussuseqartumi imermik qerisoqarsimavoq mililiussimasumik, taassumalu aasserniarnera ajornartorsiutaavoq.

AAMMA ATUARUK Kullorsuarmi imermik pilersuilernerup qaqugu iluarsineqarsinnaanera suli nalunarpoq

Nukissiorfiit ajornartorsiummik maanna aaqqiiniarput, sapaatillu akunnerata tulliata naalernerani naammassineqarnissaa ilimagineqarpoq.

Ajornartorsiutip aaqqinnissaata tungaanut Nukissiorfiit tatsip nunaqarfiullu akornanni qamuteralaat atorlugit imermik assartuinertik ingerlatiinnassagaat, Nukissiorfiit nittartakkaminni ilisimatitsipput.

AAMMA ATUARUK Terianniaq pissutaagunarluni imermik pilersuineq unippoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat