Kullorsuarmiut atuarfissaminnik suli utaqqipput

Kullorsuarmiut nutaanik arlalinnik titartakkatigut maannakkumut atuarfittaarsimasinnaagaluarput.

Atuarfik nutaaq pisariaqartinneqaraluaqaaq, taamatulli pisoqanngilaq. Titartagaq siulleq 2001-imi takkummat nuannaartunnguaqarpoq. Kullorsuarmi atuarfiup pisortaa ima oqarpoq:

- Atuarfissamut nutaamut alliliinissamut iluarsaanissamullu tunngasoq 2001-imi aallartinneqartussaq ”atuarfik pappialatigoortoq” pissarsiaraarput. Tamannali 2002-mut kinguartinneqarpoq, Kullorsuarmi atuarfiup pisortaa Svend Nielsen oqarpoq.

2002-mili paasitinneqarput allanngortitsisoqarsimasoq, tassalu Svend Nielsenip oqarneratut, tassalu ”Atuarfik pappialatigoortoq ” siulleq. 2005-imimut juulip naaneranut ingerlaqqissavut.

- Qanoq pisoqanngimmat iluamik paasilluarsinnaanngilarput, tassami atuarfiliortoqartussaagaluarmat. Upernavik kommunikkoorluguli paasitinneqarput, Ilinniartitaanermut Pisortaqarfik ataatsimeeqatigineqarsimasoq, Svend Nielsen oqarpoq.

Paasisaat tassaasimavoq atuarfiliorniaraanni iluarsaaniaraannilu teknikkikkut ajornarpallaartoq akisuallaassallunilu. Taamaattumik allami sananissaq pisaqarsimavoq nutaanillu titartagaliortoqarluni.

Svend Nielsenip oqaatigaa, nutaamik sanaffissaq maanna misissorneqartoq, tassalu nutaanik titartakkiortoqartariaqalissalluni qularnanngitsumillu akisunerusussaalluni, tassami titartakkat kusanartuummata.

Atuarfik aserfallassimaqisoq Atuarfitsiliammut tulluutinngivissortoq Kullorsuarmi atuarfiup pisortaata Svend Nielsenip oqaatigaa.

Ilinniartitsisutut sulinitsinni atugassarisavut ajorluinnarput. Ilinniartitsisut inaat 9 kvadrat meteriinnarnik angissuseqarpoq, ilinniartitsisut 14-iullutik atugassaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat