Kullorsuarmi pisiniarfimmik ammaanersiortut
- Kullorsuarmi Pilersuisup pisiniarfiata ilassutaa 170 kvadratmeterinik annertussuseqarpoq, nutaaliaasunillu atortorissaarusersugaalluni. Pisiniarfiup ilua tamarmi nutarterneqarpoq, nillataartitsiviit, qerititsiviit atortullu allat nutaaliat ikkussuunneqarlutik. Karsit akiliisarfiit ilaneqarput, taamaalilluni pisisartunut kiffartuussineq marloriaammik pitsaanerulerluni, nunaqarfinnik ingerlatsinermut pisortaq Jonas Aronsen oqarpoq.
Ammaanersiorneq aallarnerlugu pisiniarfimmi pisisartut ullaakkorsiortinneqarput, meeqqanut pinnattaassanik agguaasoqarluni aammalu sammisaqartitsinermi eqquiniaatsitsisoqarlunilu aliikkusersuisoqarluni.
Atuisut Pilersuisumilu sulisut pisiniarfittaaq pillugu ilaatigut ima oqarput:
”Pisiniarfittaarput torrattorujuuvoq qujanarpoq alligami, taamaallaat sissamut
qaninaarneqarsimanera mallinut ulorianalaarpoq. Neriuutingaaralu nioqqutissanik naammattunik
ingammik piniarnermut atortunik pisiassaqartinneqarumaarluta”, taama oqarpoq pisisartoq Peter
Aronsen.
“Nuanneqaaq isummamullu eqquuppoq, pisiniarfik neruttuallammat assut ilorraallannarpoq.
Taamaalilluni aamma pisiniat tattoqisaappallaarunnaassapput, tamatsinnut iluaqutaassaqaaq”,
Pilersuisumi sulisoq Paaneraq Jensen oqarpoq.
Aammaanersiornermi qalermik qiorsisut marluupput, tassalu Kullorsuarmi utoqqaanersaq Kitsora
Jensen aamma atuartuni nukarlersaq Makkak Jensen.
