Kullorsuarmi pinnguarnerulissapput
Suliniummik aallartitsisuuvoq Grønlandsk Skoleidræt, tassanilu ilinniartitsisut atuartullu angajulliit pikkorissarnermut Grønlandsk Skoleidræt-mit Inerisaavimmillu aaqqissuunneqartumut peqataassallutik.
Atuarfinni timersornerunissaq pillugu peqataasut isumassasiornissaaat ilinniartitsissutigineqassaaq, ilaatigut anitsiarfinni pinnguarneruneq aalanerunerlu atorlugit:
- Nunaqarfippassuit pitsaasumik angusaqarsimapput. Atuartitsineq eqqissisimanerusumik ingerlanneqartalerpoq, atuartut pinnguaqatigiittalerput sumi9iffinnilu amerlasuuni qinngasaaruttarneq atorunnaarluinnarsimavoq, Kim Godtfredsen Grønlands Skoleidræt-meersoq suliniummillu ingerlatsisuusoq oqarpoq.
Atuartut 6.-9. klassemi atuartut Pinnguarnermut kajummissaarisutut ilinniartinneqartut, pilersaarutip siunertarisaatut atuartunut minnernut maligassiuisuussapput aammalu ukiut, suiaassuseq qanorlu atugaqarneq akimorlugit inooqatigiinnikkut attuumassuseqalersitsissapput, taama oqariartortoqarpoq.
Kullorsuaq ulluni 29. aprilimiit 2. majip tungaanut pikkorissartitsiviussaaq, ilaatigut nunaqarfimmit sanilerisaanit Nuussuarmiit ilinniartitsisoq ataaseq pikkorissarnermut peqataatinneqassalluni.
