- Qulimiguulik angutinut ajornartorsiutunut anngummat angutit taaku marluk amuneqarput, qimmerlu ataaseq aamma annaaneqarluni, politiini pigaartoq nassuiaavoq.Assi: Grønlands Politi

Kullorsuarmi angutit marluk annaanneqartut

Piniartut marluk qimmillu aqqaneq-marluk nalunaaquttap akunnerini arlaqartuni sikumi aakkarsimasumeereerlutik Kalaallit Nunaanni Politiinit Issittumilu Sakkutooqarfimmit annaanneqarput.

Inuit marluk qimussimik aqqaneq-marlunnik qimmeqarlutik Kullorsuup eqqaani sikumi aakkarsimasumiipput. Illersorneqarnissaqarfiup nalunaarusiaani taama allassimavoq.

Issitttumi sakkutooqarfiup Kalaallit Nunaanni politiit ikiorlugit qulimiguuliutini aannaassiniartillugu aallartippaa.

Ajonartorsiortoqarneranik nalunaarut ataasinngornermi ualikkut tallimanut tanneq qulingiluanngortoq Kullorsuarmit nalunaarutigineqarpoq.

Nalunaarummi allagaq naapertorlugu piniartut marluk qeqertamit Saarliamit Kullorsuup kujataata kitaani 6 kilometerisut ungasitsigisumiissimapput, sikulu aakkarninitsitersimalluni.

Kullorsuarmi innuttaasut ikiuuteriaraluartut

Piniartut marluk qimmillu ilaat immamut nakkarsimapput, taakkuali sikumut qaqisinnaasimapput. Sikumiiginnarunillu navianannginnerusoq piniartut nalilersimavaat.

Kullorsuarmi innuttaasut piniartut taakku marluk ikioriarsimagaluarpaat, angallatinik qamuteralannillu, sikuli qamuteralannik ingerlaarfigissallugu saappallaarsimavoq.

Taamaattumik Issuttumi Sakkutooqarfiup qulimiguuliutini atukkiuppaa. Qulimiguulik annaassiniartartoq Kangerlussuarmit aallartinneqarpoq, unnuarlu marlunngulersoq ajornartorsiortunut apuuppoq. 

Kalaallit Nunaanni politiini pigaartoq, Lars Even, taama oqarpoq.

Qimmeq ataaseq annaanneqartoq

- Qulimiguulik angutinut ajornartorsiortunut anngummat angutit taaku marluk amuneqarput, qimmerlu ataaseq aamma annaanneqarluni, politiini pigaartoq nassuiaavoq.

Qimmit sinneri marlunngornermi annaanniarneqassapput, annaassiniarnerli iluatsilluni. Angutit taakku marluk ajunngillat, Lars Even oqarpoq. 

Taassuma sikumut avalannissaq ulorianarsinnaammat Kullorsuarmi eqqaanilu innuttaasunut mianersoqqutigaa.

- Angutit marluk taakku immamut nakkarnermi kingorna qiiasimasut, politiini pigaartoq naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat