Kukkunersiuinermut ataatsimiititaliap nalunaarusiat marluk aalisarnermut, piniarnermut nunalerinermullu Naalakkersuisoqarfiup sulineranik misissuisut misissorpai. Erik Jensen Siumumeersoq Kukkunersiuinermut ataatsimiititaliami siulittaasuuvoq.Assi: KNR / Malik Brøns

Kukkunersiuinermut ataatsimiitialiap aalisarnermut naalakkersuisoqarfik sakkortuumik uparuaraa

Kukkunersiuisut Deloittep Aalisarnermut, Piniarnermut Nunalerinermullu Naalakkersuisoqarfimmi suleriaaneq misissuiffigaa. Tamannalu tunngavigalugu immikkoortut marluk pingaartumik isornarsorsiorneqarput.

Tupaallannartoq sakkortuumillu isornartorsiugassaq.

Inatsisartut Kukkunersiuinermut ataatsimiiititaliaa nalunaarusiat marluk aalisarnermut, piniarnermut nunalerinermullu Naalakkersuisoqarfimmi sulinermik misissuisut marluk suliarereerlugit taama oqaaseqaateqarpoq.

Nalunaarusiani marlunni Deloittep naalakkersuisoqarfiup aalisakkanik pisassiissutinik akuersissutinillu suliarinnittarnera misissuiffigaa, tamannalu isornartorsiuinissamut pissutissaqarpoq.

Kukkunersiuinermut ataatsimiititaliaq tusagassiuutinut nalunaarummi allappoq, tassanilu siulittaasoq, Erik Jensen (S) nassitsisutut allassimavoq.

Isornartorsiuinermi immikkoortut marluk pingaartumik pineqarput, ataatsimiititaliap immikkoortumi siullermi naalakkersuisoqarfiup Aalisarnermut inatsimmi aalajangersakkat arlallit malissimanngikkai isornartuutippaa.

Tusagassiuutinut nalunaarut naapertorlugu immikkoortup aappaani itigartitsissuteqarnermi tunngavilersuinissamut malittarisassat malinneqarsimannginnerat pineqarpoq.

Kukkunersiuinermut ataatsimiiitialiaq isornartorsiuigaangami 1-imiit 9-mut annertussusiliisarpoq. Suliami matumani isornartorsiuineq 7-imiippoq.

Kukkunersiuinermut ataatsimiititaliap annertussusiliisarnermut atortagaa uani takusinnaavat:¨

 

Allagaatit nassuiaallu pillugit suliaq

Naalakkersuisoqarfiup assersuutigalugu ingerlatseqatigiiffiit akuersissutinik qinnuteqaraangata akileraartussaanermut najugaqartussaatitaanermullu piumasaqaatinik naammassinninnersut misissortannginnagit isornartorsiorneqarpoq.

Naalakkersuisoqarfiup ingerlatseqatigiiffinnit qulinit arfiniliinnaat angerlarsimaffeqarnermut kiisalu uuttuutit pillugit uppernarsaatinik nassitsisimanerat qisuariarfigisimanngimmagu Kukkunersiuinermut ataatsimiititaliap aamma ilorrisimaarutiginngilaa.

- Isumaqarpoq, naalakkersuisoqarfiup tunngaviatigut nakkutilliiffigisinnaanngikkaa ingerlatseqatigiiffiit uuttuinermut allakkianik suli piginnittuunersut, angallatit Kalaallit Nunaanni angerlarsimaffeqarnersut aamma angallatit takissutsimut piginnaassutsimullu piumasaqaatinik naammassinnissinnaanersut, nalunaarusiami allassimasoq Kukkunersiuinermut ataatsimiititaliaq tusagassiuutinut nalunaarummi allappoq.

Naalakkersuisoqarfimmilu sulisut qinnuteqaatinik qanoq isumaginnittarnissaannut qinnuteqartullu malittarisassanik naammassinninnersut nalilersornissaannut erseqqarissumik ilitsersuuteqannginneranut Naalakkersuisoqarfik aamma isornartorsiorneqarpoq.

Tamanna pissutigalugu sulisut malittarisassanik assigiinngitsumik paasinnissinnaapput, taamaalillunilu qinnuteqaatit assigiinngitsumik isumagineqaratarnissaannut aarlerinartoqarluni.

Nalunaarusiat kinguaattooqqasut

Nalunaaruasiat 2019-imi siornaluunniit akuersissuteqarfigineqarnissamut qinnuteqaatit akornannit misiligutitut tigusat misissuiffigaat.

Nalunaarusiat siusinnerusukkut tunniunneqartussaagaluarput. Coronali pissutigalugu suliaqarneq – allallu – pissutigalugit tamanna kinguaattoorsimavoq.

Nalunaarusiap aallaqqaataa siorna aggustimi piareerneqarpoq, ataatsimiititaliallu taanna septembarimi tiguaa.

Nalunaarusiap aappaa ataatsimiititaliap oktobarip naanerani tiguaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat