Kukkukuut manniinik nioqqutissiulerniarput
Kukkukuut manniinik nioqqutissiulernissaq Narsami piareersarneqaleruttorpoq. Pilersaarut siulleq tassaavoq Narsami illumi pioreersumi kukkukuut 2000-it qaammammut 40.000-nik manniliortinneqartassasut.
-Massakkorpiaq kaaviiaartitsinissami naatsorsuutit piviusorsiornersut misissorneqaleruttortut, Narsap kommuneani inuussutissarsiornermut siunnersorti Carl Egede Høegh oqarpoq.
Taanna pilersaarummut siunnersortaavoq, kukkukuullu manniinik nioqqutissiorneq pillugu Danmarkimi savalimmiunilu paasissutissanik katersugaqarsimalluni.
Pilersaarut Narsap kommuneaniit tapersersorneqarpoq, siunertaavorlu kingusinnerusukkut namminersortunit ingerlanneqalissasoq. Tamannalu pillugu namminersortut ilaat Narsap kommuneanut saaffiginnissuteqareersimasoq oqaatigineqarpoq.
Pilersaarutillu iluatsissappata aapaagu 2006-mi aasakkut Narsami kukkukuut manniliorlutik aallartissangatinneqarput, manniliortussat kukkukuuaqqat Narsamukaaneqareerpata upernaakut.
