Kukkukuut assigisaallu aassikkat tunisaajunnaarput

Kukkukuut timmiaatillu allat qerisimasut aatsillugit Nunatsinni tuniniarnissaat maanna inerteqqutaalerpoq. Atuisartunut Siunnersuisoqatigiit ullumi taama ilisimatitsipput.

Atuisartunut Siunnersuisoqatigiit Nunatsinni inuussutissalerinermik immikkoortortaq suleqatigalugu aalajangerpaat, kukkukuut timmiaatillu allat suliareqqinneqarsimanngitsut aatsillugit tuniniarneqaqqusaajunnaassasut, aamma naak aatsinneqarsimanerat pisiniarfinnit allagartalerneqarsimagaluarpalluunniit. Taamatut inerteqquteqartoqalerpoq, timmissat uulluarneqarsimanngikkaangata toqunartortaqalersinnaanerat sisamariaammik annerulertarmat. Tamatuma saniatigut timmissat aatsinnerisigut ajortunngujaassusiat sivikilliserujussuarneqartartoq, Atuisartut siunnersuisoqatigiiffiannit oqaatigineqarpoq.

Taamaattorli timmissat suliareqqinneqarsimasut, soorlu seernartulerneqarsimasut imaluunniit tarajukkat aatsillugit tuniniarneqarsinnaapput. Kisianni pisiniarfiit nioqqutissat eqqortumik allagartalernissaat eqqaamasariaqarpaat. Soorlu ima allagartalerneqarsinnaapput: 'kukkukuuaqqat qatii seernartulikkat' assingusumilluunniit. Tamatuma saniatigut akuutissanik sunik akoqarneri pisiassami allassimassapput, matumani ilanngullugit timmissat 'aatsinneqarsimanerat' imaluunniit 'qerititaasimagaluarnerat' matumanilu erseqqissarlugu qeriteqqinneqassanngitsut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat