Kujataanut Tunumullu timmisartornissat unitsinneqarput
Islandimi qaqqap innermik anitsisartup, Kalaallit Nunaanni timmisartorneq akornusersoqqilerpaa. Ullumi arfinngornermi piffinnut arlalinnut timmisartornissaraluit unitsinneqarput, Air Greenland nalunaarpoq.
Allattoq Apollo Jeremiassen
maajip 08-at 2010 11:03
Kulusuk, Tasiilaq, Narsarsuaq, Narsaq Qaqortoq aamma Nanortalik timmiffigineqarsinnaanngikkallarput.
Nuummiit Narsarsuarmut timmisartornissaq unitsiinnarneqarpoq taamatullu Nuummiit Kulusuliartussaq unitsiinnarneqarluni. Kalaallit Nunaata kujataani illoqarfinni tamani timmisartortoqassanngilaq.
Timmisartoq Nuummiit Kulusuliartussaq aqagumut, quligiluat qaangerlugu tanneq pingasup tungaanut kinguartikkallarneqarpoq. Aamma Nuummiit Keflavikiliartoq minuttinik 15-nik kinguartinneqarpoq.
Ualimut nalunaaqutaq tallimanut Kujataani ilaasussat toqqaannarrtumik Air Greenlandimit nalunaarfigineqassapput aqagu timmisartuussisoqassanersoq.
