Kujataanut attaveqaqqilerpoq
decembarip 28-at 2004 10:50
Tele Greenlandip nalunaaqutaq aqqaninngortoq nalunaarutigaa Nuup Qeqertarsuatsiaallu akornanni sakkortusaavik iluarsisimasoq, kujataarmiullu KNR-ip radiokkut TV-kullu aallakaatitai tusaaneqarsinnaalerlutillu isiginnaarneqarsinnaalersut.
Paamiuni tusarnaartartup isiginnaartartullu uppernarsarpaa radiokkut tusarnaarsinnaalersimasoq TV-kullu isiginnaarsinnaalersimasoq.
Tele Greenlandimit suli oqaatigineqarsinnaanngilaq sakkortusaavimmi sunarpiaq ajoqusersimanersoq.