Kujataani umiatsiaaqqamik angalasoqannginnissaa innersuussutigineqarpoq

Ingammik Nanortallip eqqaani umiatsiaaqqat angalanissaat, Qaqortumi politiinit mianersoqqussutigineqarpoq
Allattoq Elisa Isaksen
maajip 01-at 2010 13:45

Sikorsuit eqimasorujussuupput sarfaqimmallu sukkaqisumik sarfaatitittarlutik. Qaqortumi politiit ullut unnuallu pingasut ingerlanerini qulimiguulimmik umiatsiaaqqanik pingasunik ujaasisariaqarsimapput.

- Taakkua sikorsuarnit ingerlariaqqinneq ajulertarput. Taamaattumillu umiatsiartik sikumut qaqittariaqartarlugu taamalu sarfaatiteqataalertarlutik, Jesper Fleischer Qaqortumi politiineersoq oqarpoq.

Umiatsiaaqqat ujaarineqartut pingasut tamarmik VHF radioqanngillat. Taamaattumik piffissaq sivisooq qaangiutereersoq tusarfigineqanngileraangata, ilaqutaasut aatsaat nalunaaruteqartarput.

Umiatsiaaqqat ujaarineqartut pingasut tamarmik nassaarineqareerput. Taamaattorli taamatut annaassiniartoqartillugu umiatsiaaqqat sikorsuit qaavinut qimaannarneqartarput.