Kujataani ukiormanna nannuttassiissutit tamakkerneqarput
Nanoq nunaqarfiup Qassiarsuup eqqaani pisarineqarpoq. Aamma Sebu Kaspersen Kommune Kujallermi piniartorsuartut isigineqalerpoq. Taannami Narsarsuarmi mittarfiup eqqaani ataasinngormat nannumik pisaqarpoq, nannuttamilu aappaa tassa ippassaq aamma pisaraa.
Kujataani nannuttassiissutit sisamaasut maanna tamakkerneqarput.
- Tamatuma kinguneranik taqqavani nannunik allanik pisaqartoqarsinnaajunnaarpoq. Piniartulli Narsap eqqannguani nannunik allanik sisamanik ulluni kingullerni takusaqarsimapput, immikkullu ittumik pisassinneqarsinnaanertik Piniarnermut Naalakkersuisoqarfimmut qinnutiginialerpaat.
Nannunit sisamaasunit ukiormanna pisassiissutigineqartunit ataaseq Aappilattup eqqaani, aamma Tasiusap eqqaani ataaseq, kiisalu Narsap eqqaani marluk pisarineqarput