Kujataani takorniariartitsisut pilersaarusiorniaraluartut

Arctic Umiaq Linemik sullissinikkut isumaqatigiissuteqaqqinniannginneq kujataani takornariartitsisut nunatsinneersut avataaneersullu aappagumut pilersaarusiorniarnerannut nalorninartorsiortitsivoq. Københavnimi ukiaru septembarip 13. aamma 14-ianni Travel Marteqartoqalerpat takornariartitsinermik suliaqartut qanoq nittarsaassissanerlutik nalornissutigaat aappaagu sinersortaatit ingerlaannassanersut nalunarmat.

Angalatitseqatigiiffik Profil Rejser aqqutigalugu nunatsinnut takornariartartut amerlanerpaat Arctic Umiaq Linep sinersortaataanik angalarusuttarput sinersortaatillu unissappata ukiaru Travel Marteqartoqalerpat sunik nittarsaassaqarnissartik assut nalorninartoq Profil Rejsep pisortaa Jahn Shapiro oqarpoq.

- Qanoq iliornissaq nalunaqaaq, aappaagumi umiarsuartitsiniarnissaq pilersaarusioriarfeqanngilaq. Ukiaru Travel Martertoqarnissaanut suna sassaalliutigissanerlugu nalulluinnarparput. Arctic Umiaq Line ataatsimeersuareerpat aggustip qeqqata missaani qanoq saqqummiussaqartoqarnissaa naluarput, saqqummiussaqartoqareerpalli Septembarimi Travel Marteqarnissaq sioqqullugu pilersaarusiornissatsinni angummanniapiloornissarput naatsorsuutigisinnaavarput. Jahn Shapirop aappaagu takornariariamasunik annaasaqarnissartik naatsorsuutiginerarpaa.

Qaqortumi takornariaqarnermut pisortaq Aleqa Hammond oqarpoq sinersortaatit unissappata tamanna taqqavani takornariaqarnermut kingunipiloqassasoq.

- Umiarsuarmik sinersortartunik takornariartitsineq annertoorujussuuvoq. Tamanna aningaasatigut isaatitsiffiulluareersoq atorunnaassaguni, avataaninngaanniit pisisartutsinnit, tatiginassuserput suleqatigiuminassuserpullu apeqquserneqarsinnaalissapput.

Qaqortumi takornariartitsivimmi ukiaru Travel Marteqarnissaanut aamma piareersarneq maanna aallartinneqareersoq Aleqa Hammond oqarpoq.

-Kisianni nalugutsigu inuit qanoq ilillutik sinerissamut angalaassanersut neqeroorutigisassagut aamma paatsuunganarsissapput, taava soormi tuniniaajartussaagut neqeroorutissagut nalugutsigit? Aleqa Hammond aperaaq.

Umiarsuit sinersortaatit unissangaluarpata tamanna Qaqrtumi takornariaqarnikkut annertuumik annaasaqarfiussasoq Aleqa Hammond oqarpoq.

- Aamma timmisartut amerlineqanngippata imaluunniit akitigut unammillersinnaasussanik umiarsuarmik allamik taartissaqartoqanngippat, inuit tikittartut soorunami ikiliartussapput, kiisalu suliassat suliassinneqartussallu aamma ikinnerulissapput.

Nanortalimmi takornariartitsinermut pisortaq Niels Tekker Jepsen oqarpoq naliginnaasumik angallattut takornariallu imaatigut Nanortalimmukarniarnerat massakkut ajornareersoq sinersortaatit unissappata suli ajornarnerulernerssaa ilimagisariaqartoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat