Sulisut atorfissaqartinneqartussat tassaassapput truckertartut, mekanikerit, ruujorilerisut, kallerup innilerisut, pisortanut tullersortsissat allaffimmiullu.
Stenbutikken.dk-mi allassimasut naapertorlugit eudialyti aatsitassaavoq qaqutigoortoq, ilaatigut pinnersaasiarineqartartoq.
Eudialytimik qalluerusuttoq tassaavoq Australiamiut suliffeqarfiutaat, Rimbal PTY LTD. Aatsitassat pillugit qullersaqarfiup aaqqissugaanik pilersaarutit Narsarsuarmi sisamanngormat saqqummiunneqarput. Qaarusuliortoqarpat eudialytip 1 million tonsip piiartarnissaa pilersaarutigineqarpoq. Australiamiut suliffeqarfiata aallartitaa oqarpoq suliffeqarfimmik suleqatissaminnik pilersitsinissaq eqqarsaatigilereerlugu, taannalu ateqassasoq TANBREEZ MINE.
Qaarusuk Kangerlusarsummiittussaq qalluiviussaaq ammaannartoq sequtserivittalik, kangerluullu paavani suliareqqiivissamik sananissaq aamma pilersaarutigineqarpoq.