Kujataani suliffissarsiortut pikkorissartut
Kommune Kujallermi, qaammatini kingullerni suliffissaaleqiffioqisumi, suliffissarsiortut ilinniarteqqinneqaqqammerput.
Allattoq Jens Thorin
juunip 27-at 2009 13:31
Suliffissaaleqisut 180-t sinneqartut pikkorissarnernut peqataasimapput, sulianut assigiinngitsunut pikkorissarneqarlutik. Soorlu aatsitassarsiornermi sulisutut, sanaartornermut tunngasunik, igaffimmiutut kantiinalerisutullu sulinermik pikkorissarsimapput, soorluttaaq oqaatsinik pikkorissarsimasut, aatsitassarsiorfinni tuluttoorneq aammalu danskisut kalaallisullu piginnaanngorsarsimallutik.
Pikkorissartut aamma inuup ineriartorneranut kajumissuseqalernissamullu tunngasunik sammisaqarsimapput.
Kingullermik suliffissaaleqisut nalunaarsorneqarneranni Kommune Kujallermi suliffissaaleqisut 325-upput. Kisianni suliffissaqarniarneq ilorraap tunngaanut aallarsimavoq qaammatialunnguit qaangiuttut suliffissaaleqisut 600-t pallisimasimagaluarmatigit.
