Kujataani Qaqortoq kisimi ineriartortinneqassanngilaq

Ilulissat, Sisimiut, Nuup Qaqortullu borgmesterii Danmarkimi juullilersoq ataatsimeeqatigiikkamik Nuup Kommuniata siunnersuutigisimavaa illoqarfiit taakku siunissami kommunit kattutereerpata siuttuullutik ineriartortinneqassasut, kisiannili Kujataani Kommunet Peqatigiiffiata Qaqortoq peqataaqqunngilaat, taama oqarpoq

-Nanortallip borgmesteria uangalu juullilivissoq Qaqortup borgmesteria ataatsimeeqatigiartorparput, tamatuma kinguneraa pingasuulluta novemberimi suleqatigiinnissatsinik isumaqatigiissut atsiugarput ingerlatiinnassagipput. Tassani isumaqatigiissutigineqarpoq Nanortalik, Narsaq Qaqortorlu naligiimmik ineriartortinneqassasut, taama oqarpoq Kiista p. Isaksen, Narsap borgmesteria aammalu Kommunit Kujataamioqatigiit Peqatigiiffiani siulittaasoq.

Illoqarfiit ineriartortinneqartussat pillugit apeqqut inatsisartunit akissuteqarfigineqarnissaat pisariaqartorujussuuvoq - taamatullu Kujataani Kommunit Peqatigiffiata isumaqatigiissutigisimasaata tusarneqarnissaat, Kiista P. Isaksen oqarpoq.

Nuup borgmesteria Agnethe Davidsen oqarpoq, arnat taakku marluk ernumassutissaqanngitsut.

-Illoqarfiit pineqartut siornatigulli suleqatigisarsimavugut taamaattumik suleqatigiittariaqarpugut. Eqqaammassavarput 2009 –mi 18 -niit kommunit sisamaanngortussagatta. Suliassarpassuaqarpugut Namminersornerullutik Oqartussanit akisussaaffinnik tigusinissanik isumaqatigiinniassagatta.

Arlaatigut aallartiffeqartariaqarpugut, kisianni oqaatigisinnaavara uani qaammammi januaarimi borgmesterit Nuummi ataatsimiineranni uagut illoqarfinni taakkunani borgmesterit sisamat Danmarkimi ataatsimiikkatta naalisagarput saqqummiutissagatsigu, taama nassuiaavoq Agnethe Davidsen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat