Kujataani perserujussuarnera politiit mianersoqqussutigaat

Anorersuarnissaa persernissaalu pissutigalugit Kujataani politiit pisariaqavitsinnagu biilertoqarnissa nangaasaarutigaat.
Arkiv
Allattoq Kenneth Elkjær
januaarip 10-at 2017 14:52

Kujataani sumiiffinni arlalinni marlunngornermi anorersuarnissaa persernissaalu naatsorsuutigisinnaavaat.

Tamanna pissutigalugu Qaqortup atuarfiani atuartut silarlulertinnagu angerlarartinneqarsimapput.

Kujataanilu biilertartut pisariaqavitsinnagu ingerlanissaat nangaasaarutigalugu. Nunatsinni politiit facebookimi quppernerminni taama nalunaaruteqarput.

Marlunngornerup unnuaani 30 centimeterinik apisimavoq, anorersuarlu takkuppat perserujussualissangatinneqarluni.

Nanortalimmi Narsamilu politeeqarfiit qinnuigineqarput sila eqqarsaatigalugu namminneq nalilersueqqullugit, Nunatsinni politiit facebookimi nittartakkaminni taama allapput.