Kujataani naasut sikkerarput

Kujataani silannaap allaanerunera naatsiisiutilinnit malugisimaarneqarpoq. Sapaatit akunneri arlaqartut pisarnermiit kujataani kiannerunera naasorpassuarnik naatitsisoq, Qaqortumi naatsiiviutillit peqatigiiffianni ilaasortaq Kenneth Høegh oqarpoq.

- Maannakkut naatsiiviit isikkui qaammatinik marlungajannik sioqqutseqasutut isikkoqarput,

Qaqortumi naatsiiviutillit peqatigiiffiani ilaasortaq Kenneth Høegh oqarpoq nangillunilu. Naatsiiassanik ikkussuinissaq siuartinneqarnavianngilaq, silammi maannakkut kiannera allanngoriaannaavoq, issileqqissappammi naatsiiassat aserorsinnaapput.

Qaqortumi naatsiiviutillit peqatigiiffiani ilaasortap Kenneth Høegh-p ilanngullugu oqaatigaa kuannissat rabarberillu aamma naalereersimasut, aammalu orpikkat pilutanereersimasut.

DMI-p silassamik nalunaarutigisartagaani allaaserineqarpoq februaaruip qaammataani naliginnaasumik kujataani sila arfinilinnik issittartoq marsimilu tallimanik issittarluni, ullunili kingullerni 21-ni kujataani ilaatigut 15-it angullugit kiattarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat