Kujataani kommunit kommunerujussuanngornissamut piareersarput

Kujataani kommunerujussuanngornissaq ilusilerniarlugu, Qaqortumi, Narsami Nanortalimmilu kommunalbestyrelsemi ilaasortat atorfilittatillu, ulluni marlunni ataatsimiinnissatik ullumi Narsarsuarmi aallartippaat.

Suliassat sinaakkusersornissaat, inoqarfiit qanoq ineritikkiartornissaat, allaffissornikkut nalimmassaanissaq, minnerunngitsumillu kommunini ataasiakkaani naligiilluni ineriartornissaq innuttaasullu sullinneqarnerisa ajorseriannginnissaat, Narsami borgmesterip Kiista P. Isaksen-ip tikilluaqqusilluni ammaanermini oqariartuutigai.

Nanortallip bormesteriata, Kristine Raahaug-ip oqaaseqarnermini, inuk qitiutillugu sulinissaq pingaartippaa, kiisalu Namminersornerullutik Oqartussanit suliassaqarfiit amerlanerusut kommuninut tunniunneqarpata piareersarluarsimanissaq pingaartillugu.

Simon Simonsen-ip Qaqortumi borgmesteriusup, kattunnissami toqqammavissat isumaqatigiissutiginissaat aamma pingaartippaa, kiisalu illoqarfiit ataasiakkaaginnaat sullinnagit kommuni tamaat sullinneqassasoq oqariartuutigalugu. Peqataaffigerusunneraarpaattaaq kujataata nukittuup imminullu pilersorsinnaasup pilersinnissaa.

Suliassaqarfikkaartuni aningaasaqarnikkut aamma sullissinermi assigiissaarinermik siunnersuutit, atorfilittanit saqqummiunneqartut aallaavigalugit, ualeq manna naalakkersuinermik suliallit eqimattakkaarlutik oqallitsinneqarput.

Kujataani attaveqaatit Air Greenlandillu angallassineranut siunnersuutit aamma politikkikkut aqutsisoqatigiit ingerlatsinerup ilussissaanik siunnersuutaat aqagu suliarineqassapput.

Ataatsimiinneq aqagu ualikkut tallimanut atsioqatigiinnermik naammassineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat