Kujataani kommunit kattunnissamut atatillugu ataatsimiinnissaat kinguartinneqarpoq
Politikkikkut aqutsisoqatigiit tassaapput kujataani kommunini pingasuusuni borgmesterit kommunaldirektørillu, kiisalu kommunalbestyrelsinut ilaasortat pingasuusut.
Kujataani kommunit kattunnissaannut suliniarnermi ataqatigiissaarisumik atorfinitsitsinissaq, aamma politikikkut aqutsisoqatigiit suliaannut tunngavigisap allanngortinnissaa, oqaluuserisassanut ilaagaluarput.
Angallannermi suleqatigiit aallartisarnerat, aamma
nunaqarfinni aqutsisut isumasioqatigiinnissaat, ataatsimut isumasioqatigiittarneq, kiisalu innuttaasunik ataatsimiititsisarnerit oqaluuserineqartussat ilagaat.
Ataatsimiinnissami aatsitassarsiorneq pillugu isumasioqatigiinnissaq, kujataanilu takornariartitseqatigiiffik, Destination South Greenland, ilanngullugit oqaluuserineqartussaapput.
