Kujataani kommuninik aaqqissuusseqqinneq

Kujataani kommunip ataasiinnanngortinnissaanut piareersarneq nangeqqinneqalerpoq.

Nanortalillip, Qaqortup Narsallu kommuniini kommunalbestyrelse-mut ilaasortat tamarmik Nunaqarfinnilu Aqutsisut siulittaasui tamarmik, kujataani kommunit kattunissaannut piareersarlutik februaarip 23-ani Qaqortumi ataatsimeeqatigiittussanngorput.

- Ataatsimiinnitsinni kommunit immikkoortortaqarfiini sanngeequtivut nukittoqutivullu ersersinniassavagut, Kiista P. Isaksen Narsap borgmesteria aamma Kujataani Kommunit suleqatigiinni siulittaasoq oqarpoq.

Nunani allani, soorlu Danmarkimi kommunit kattussuunneqarsimanerat paasissutissiissutigilluarneqassaaq. Aamma nunatsinni Kommunit siunissami kattussuunneqarnissaannut Isumaliutissiissut oqaluusereqqissaarneqassaaq.

Kommuni ataasiinnanngorpat iluaqutissat ajoqutissallu oqaluuserineqassaput. Kommunini ataatsimmiititaliat tamarmik immikkoorlutik oqallitsinneqassapput. Tassa Inunnik Isumaginninnermi, Teknikkeqarnermi, Inuussutissarsiornermi Suliffissaqartitsinermi aammalu Meeqqanut Kulturimullu ataatsimiititaliat immikkut gruppikkaarlutik siunissami Kommunit kattussuunnissaannut Isumaliutissiissut eqqartussavaat.

-Pingaartorujussuuvoq Nunaqarfinni Aqutsisut sinniisuisa ilaanissaat, taakkumi allanngortiterinermi eqqugaangaatsiassapput. Naggataagut tunngaveqartumik naliliissaagut sumiiffinni kommunalbestyrelse-mi innuttaasunillu ataatsimiititsinissani oqaluuserineqartussamik, Kiista P. Isaksen nassuiaavoq.

Ilisimatitsissutigaattaaq Allaffissorneq Aningaasaqarneq aammmalu Nunaqarfiit immikkut oqaluuserineqassasut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat