Kujataani Inuussutissarsiornikkut aningaasaateqarfimmik pilersitsisoqarnialersaarpoq

decembarip 12-at 2006 08:34

Kujataani kommunini pingasuni Inuussutissarsiornermi Teknikkimilu ataatsimiititaliani ilaasortat Nanortalimmiit, Qaqortumiit Narsameersullu siunnersuutigaat Inuussutissarsiornikkut Aningaasaateqarfimmik Kujataani atuuttussamik pilersitsisoqarnissaa misissuiffigineqassasoq.

- Kujataani kommunit siunnersussavagut piaartumik Aningaasaateqarfiit Europami minnerunngitsumik Danmarkimi kommunit kattussuunnerminni pilersiortugaat paasisassarsiorfigineqarnissaat sulissutigeqqullugu, Narsami novemberi naasoq kujataani kommunit kattunnissaat pillugu isumasioqatigiinneqarmat Kaj Egede, Siumumeersoq, taama saqqummiivoq.

Kaj Egede-lu Qaqortumi kommunalbestyrelsimi ilaasortaavoq.

Simon Simonsen, Qaqortup borgmesteria ilisimatitsivortaaq, tulliani taqqavani kommunit isumasioqatigiilerpata ataatsimiititaliami ilaasortat Aningaasaateqarfik pillugu saqqummiussissasut.

- Isumasioqatigiinnissaq sumi ingerlanneqassanersoq suli aalingerneqanngilaq, kisianni ukiumi nutaami januaarimi februaarimiluunniit pissaaq, taama oqarpoq Simon Simonsen