Aalisartoq aqisserniarlu ujaarineqartut Kujataani inuit marluk ujaarineqarput
21-nik ukiulimmik Avaleq Jakobsenimik ujaasineq nanginneqarpoq tamatumuuna politiit qimmii atorlugit ujaasisoqarpoq.
Kalaallit Nunaanni Politiini pigaartut KNR-imut taama paasissutissiipput.
Avalequt Jakobsen tallimanngornermi jannuaarip ulluisa aqqaneq aappaanni aqisserniarluni aallarami suli Narsaq Kujallermut utinngilaq.
Kalaallit Nunaanni politiit KNR-mut oqarput, Narsaq Kujalliup kangiani Niaqornani ujaasiffiusumi tuminik nassaartoqartoq, taamaattumik Kujataani politiit, politiit qimmii ikiorsiullugit Narsaq Kujallermukartitsipput, tuminik nassaarfiusumi eqqaanilu ujaasineq nanginneqassammat..
Narsaq Kujallermi Avalequt Jakobsenimik ujaasinerup saniatigut, Kujataani politiit Narsami aalisartumik ujaasinertik ullumi aamma aallartippaat.
Ujaarineqartoq tassaavoq aalisartoq 63-nik ukiulik Johannes Jensen, Qaqimik aamma taaneqartartoq. Johannes Jensen, Qaqi pingasunngornermi ullup qeqqata missaani ningittakkiarluni aallarpoq uteqqinnanilu.
Johannes Jensenip angallatigaa, umiatsiaaraq Vilma 19, aquuteralik Suzuki 70 HK motooreralugu.
Ujaarineqartoq Narsap avannaata kitaanut ningittakkiarluni aallarsimavoq.
63-nik ukiulimmik Johannes Jensenimik ujaasineq, politiit angallataanik, Air Greenlandip qulimiguuanik kiisalu Issittumi Sakkutooqarfiup qulimiguuanik ingerlanneqartoq, Kalaallit Nunaanni Politiiini pigaartoq Kunuk Frederiksen KNR-imut taama paasissutissiivoq.