Kujataani innuttaasunut paasititsiniaasoqassaaq
Killavaat Alannguannimi suliniut pillugu innuttaasunut paasititsiniaasoqarnissaanut Inuussutissasiorrnermut, Aatsitassaqarnermullu Naalakkersuisoq Kommune Kujalleq peqatigalugu innuttaasunik maanna qaaqqusivoq.
Suliniutip avatangiisinut sunniuteqaatigisinnaasai, inuiaqatigiinnullu kingunerisinaasai pillugit ataatsimiinnermi oqaluuserineqassapput. Ingerlatseqatigiiffiup Tanbreezip sinniisui, ilisimatuullu pituttugaanatik avatangiisinik immikkut ilisimasallit Pinngortitaleriffimmeersut DCE-minngaanneersullu kiisalu politikerit suliniummut atatillugu itisiliinissaannut Kommune Kujallermi innuttaasunit paasititsiniaanerup ingerlanerani apeqquteqaateqarfigineqarsinnaassapput.
Aatsitassaqarnermut Naalakkersuisoq Jens Erik Kirkegaard taakkununnga ilaassaaq.
Qaqortumi, Alluitsup Paani, Nanortalimmi Narsamilu innuttaasunik ammasumik ataatsimiisitsisoqassaaq, Qaqortumilu katersortarfimmi sapaammi novembarip 17-ianni aallartissallutik.
Alluitsup Paani ataasinngornermi novembarip 18-ianni ataatsimiittoqassaaq, Nanortalimmilu ulloq taanna kingusinnerusukkut ataatsimiittoqassalluni. Narsami innuttaasut novembarip 19-ianni ataatsimiisinneqassapput.
Tusarniaassutigineqartut pillugit paasissutissat sukumiinerusut Naalakkersuisut nittartagaanni Naalakkersuisut NAGGAT gl-imi alakkerterneqarsinnaapput, tusarniaanermullu atatillugu akissutit kingusinnerpaamik decembarip aappaanni nassiunneqarsimassallutik.