Tele-Post: Kujataani immap naqqatigut kabelimik aaqqissuineq naammassivoq
![](/sites/default/files/styles/image_934x467/public/article_images/m0010052.jpg?itok=u05WKoVn)
Tele-Post tusagassiuutinut nalunaarummi taama allappoq.
Kujataani immap naqqatigut kabelimik aaqqissuinerup Paamiunit Narsarmijit ilanngullugu internetimik atuisuusut attaviisa qaminnerannik kingunerisimavaa.
Tele-Postimi teknikkimut IT-mullu pisortaq, Jonas Hasselriis, ima oqarpoq.
- Immap naqqatigut kabelip aaqqissuunnera maanna naammassivoq, piginnaasarpullu tamaat atorlugu atuisutta eqqugaanissaat annikinnerpaaffianiitinniarsimavarput. Attaveqaatit maanna ammaqqippagut, immallu naqqatigut kabelimik tamaavitta paarsilluarnissatsinnik eqqaasissutigeqqipparput. Sullitatta naammagittarnerat qutsateqaarput utoqqatsissutigaarpullu tamanna pisoq, Jonas Hasselriis oqarpoq.
Kujataani immap naqqatigut kabeli decembarimi 2018-imi kittorarpoq, Tele-Postillu kabeli arlaleriarluni aaqqissorniaraluarpaa, maannalu naammassillugu.
Aaqqissuisoqarneranit internetimut attaveerussimasunut ullut internetimut attaveqarfiunngitsut apeqqutaatillugit aningaasanik utertitsisoqassasoq, Tele-Post allappoq.
Sullinneqartut pineqartut SMS-ikkut paasitinneqassapput.