Kujataani imaq ulinnerusimavoq

Nunatta kujataata kangiani naqitsiniisaffik sakkortooq atuusimammat anorersuarlunilu, tamanna kujataani immap ulinneruneranik kinguneqarsimasoq oqaatigineqarpoq.

Ippassaq tallimanngornermi Nanortalimmi Qaqortumilu immap ulinnera pisarnermiit 30-niit 50 cm tikillugu ulinnerusimasoq tupigusuutigineqartoq, tusarnaartartut ilaanniit radioaviisimut oqaatigineqarpoq.

Tassanilu silaannaap kissakkiartornerata pissutaasinnaanera, imaluunnit ulinnerunerata sumit allamit pissuteqarnera ujartorneqarpoq.

Tamannalu silaannaap kissakkiartorneranut attuumassuteqarunanngitsoq Danmarkimi silasiorfik DMI radioaviisimut ilisimatitsivoq.

DMI-miit maluginiarneqarsimavoq nunatta kujataata kangiani naqitsiniisaffik sakkortusimasoq kangisimmillu anorersuarluni. Tamannalu pissutaalluni kujataani ulinnerusimasinnaanera eqqoriarneqarsinnaasoq, silasiortuniit oqaatigineqarpoq.

Ilanngullugu oqaatigineqarpoq Kalaallit nunaani ulittarnerup uutortarneqartannginnera pissutaalluni, tamanna uppernarsineqarsinnaangikkaluartoq.

Immalli 30-niit 50 cm tikillugu ulinnerusimasinnaaneranik oqalunneq ilumoortortaqarsinnaasoq oqaatigineqarpoq, tamannalu tassa silarlunneranik pissuteqartinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat