Sidste års juletræ i Qaqortoq. Assi: Connie Fontain/KNR

Kujataani illoqarfiit orpii adventip sapaataata siulliani pisarnermit siusinnerusukkut ikinneqassasut

Illoqarfiit orpii adventip sapaataata siulliani ullaakkut nalunaaqutaq arfinermut ikinneqassapput. Inuit 250-nit ikinnerunngitsut silami katersuuteqqunagit pisarnermit siusinnerusukkut ikinneqassapput.

Qaqortumi, Narsami Nanortalimmilu illoqarfiup orpianik adventip sapaataata siulliani ikitsinissaq pisarnermit allaanerusumik ingerlanneqassapput.

Kommune Kujalleq nittartakkamini taama allappoq.

Illoqarfiit orpii ullaakkut nalunaaqutaq arfinermut ikinneqassasut, ualikkullu nalunaaqutaq pingasunut illoqarfinni tamani juullip inua biilimik angalaarumaartoq, Kommune nalunaarpoq.

- Allaanerusumik aaqqissuussisariaqalerneq Covid-19 pillugu maleruaqqusanik malinninnermik peqquteqarpoq. Ullut atukkagut pillugit sanngiinnerusortagut utoqqartagullu eqqarsaatigalugit mianersortariaqarpugut. Illoqarfitsinni ataatsimoorluta orpimmik ikitsinata orpik adventip sapaataata siulliani ikereersimasoq ulloq aallartissavarput, borgmesteri Kiista P. Isaksen allappoq.

Orpiup ikinneranut atatillugu meeqqat pinnattaarisartagaat ukioq manna meeqqerivinni atuarfinnilu tallimanngorpat agguaanneqassapput. 

Kommune Kujallermili nunaqarfinni tamani orpimmik ikitsineq pisarnertut ingerlanneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat