Kujataani borgmesterit ataatsimiilerput

Kujataani borgmesterit pingasut Nanortalimmi ataatsimeeqatigiinnerat ullumi nal. marlunut aallartissaaq. Naalakkersuisut angallannikkut ukiut tulliuttut tallimat ingerlaneranni allanngortiterinissamik siunniussaqarnerat borgmesterit pingasut ataatsimeeqatigiinneranni eqqartugassanut pingaarnernut ilaavoq.

- Kujataani kommuneqarfiit ataatsimoorussamik isummerniarput, angallannikkut allanngortiterinissamik siunniussarineqartoq kujataani angallannermut eqquingaatsiartussanngortoq paasinarmat, Nanortallip borgmesteria Tage Frederiksen radioaviisimut oqarpoq. Ilanngullugu oqaatigaa kommunit ataatsimeeqatigiittussat tamarmik angallannermik allanngortiteriniarnermut akerliusut.

Borgmesterit ataatsimeeqatigiinnertik aqagu nangillugu Air Greenland-ip allaffissornermut pisortaanera Flemming Knudsen Air Greenlandimilu tuniniaanermut pisortaq Hans Jørgen Mørch ataatsimeeqatigissavaat. Ataatsimeeqatigiinnermi angallannikkut allanngortiteriniarnerup kujataani angallannermut sunniutissai paasisitsiniutigineqassallutik.

- Kujataanimi ukiumut angallattartut 35.000-it matumani eqqorneqartussaapput, angallannikkullu siunniussat eqqarsaatigalugit pitsaanerusumik aaqqissuussisoqarniarnersoq aamma paasiniartussaavarput, Tage Frederiksen erseqqissaavoq. Kujataani borgmesterit ataatsimeereerpata Naalakkersuisut saaffigineqassapput, saaffiginninnissaq timmisartornerup 10 % -imik akitsuiffigineqarneranik ilaatigut imaqassasoq Tge Frederiksen oqarpoq.

Kujataani borgmesterit pingasut ataatsimeeqatigiittussat tassaapput Qaqortup borgmesteria Simon Simonsen, Narsap borgmesteria Kista B. Isaksen kiisalu Nanortallip borgmesteria Tage Frederiksen. Taakku saniatigut kommuneqarfinni pingasuni kommunalbestyrelsenut ilaasortat ilaatborgmesterit ataatsimeeqatigiinnerannut peqataassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat