Arsuup eqqaani Arsuutaani sakkortusaaviup ARTA-p nalaani silapilunnerujussua pissutigalugu Paamiuniit kujammut attaveqaatit kipisoortarsinnaassasut TELE GREENLAND nalunaarpoq. Attaveqaatit kipisaqattaartarsinnaanerannut patsisaasorineqarpoq attaveqaatinut atortut sermernarsinnaaneri.
Pisoq TELE GREENLAND-ip ajusaarutigaa, silalu pitsanngoriarpat sakkortusaaviup erngerlutik orninnissaa piareersimaffigaat.