Kujataani appaqassuseq pillugu Naaja paasitinneqarusuttoq
Inuit Ataqatigiinni ilaasortaasimasup paragraf 37 naapertorlugu januaarimi Naalakkersuisunut apeqquteqarami akissutisiarisani naammaginagu apeqquteqaqqippoq.
Aalisarnermut Piniarnermut Nunalerimullu Naalakkersuisoq januaarimi akissuteqarnermini tunngavilersuivoq appat eqqissisimatilerneqarsinnaanngitsut meeqqat kinaassutsiminnut atatillugu nerisarisartagaasunik ilikkanngitsoorsinnaammata eqqissisimatilerneqaraluarpata, Naaja Nathanielsen paragraf 37 naapertorlugu apeqquteqaaqqinnermini taama tunngavilersuivoq.
Aamma atuaruk Kujataani appaqarfik najorneeruttoq
Apeqquteqaat nutaaq maanna saqqumiunneqarpoq, kujataani piniarnermut nakkutilliisup assilisimasaani uppernarsarneqarmat appaqarfimmi Tupersuartuuni appat ikileriangaatsiarsimammata.
Ernumassuteqarnerup patsiseqarnera naqissuserneqarpoq, Naaja Nathanielsen apeqquteqaatimini taama allapoq.
- Eqqarsaatigaara qanoq sivisutigisumik Naalakkersuisut paasissutissanut isiginngitsuusaaginnassanersut, naalakkersuinikkut anguniakkanut uniuuttuunera pissutigalugu tunngaviusumillu killilersuisarnissamut nalimmassaanernullu akerliuneq pissutigiinnarlugu, Naaja Nathanielsenip paragraf 37 naapertorlugu naalakkersuisunut apeqquteqaatini taama tunngavilersorpaa.