Kujataani angallanneq namminneerlutik aaqqiiviginialerpaat
Kujataani kommunit namminneerlutik angallanneq aaqqiiviginiarnialerpaat.
Timmisartuutileqatigiiffik Iceland Express, Islandimiunit pigineqartoq, Air Greenlandip billetsiisa akigititaannit suli akikinnerusumik neqerooruteqartoq, Atuagagdliutini taama allaaserinnittoqarpoq.
Allattoq Louise M. Kleemann
aggustip 14-at 2008 11:27
- Iceland Express-ip neqeroorutaa naapertorlugu timmisartoq aasaanerani sapaatip akunneranut tallimariarluni tikittassaaq, ukiuuneranilu sapaatip akunneranut marloriarluni tikittassalluni, Kujataani kommunerujussuanngortussami, Kommune Kujallermi, borgmesterinngortussaq, Simon Simonsen, Atuagalliutinut oqarpoq.
Billitsip akia, Københavnimit Narsarsuarmut uterlugulu, 5.000 koruuneqassasoq neqeroorummi oqaatigineqarpoq.
Angallannermut ataatsimiititaliaq angallannermullu naalakkersuisoq, Kim Kielsen, septembarip ulluisa aqqarnganni isumasioqatigiinnermut peqataassapput. Isumasioqatigiinnermi Kujataata Kommuniata angallannermut pilersaarutini saqqummiutissavai.
