Kujataani angallanneq naammaginanngilaq
-Misigisimavunga Kalaallit Nunaata kujaterpiaa tikittussaajunnaarlugu angallannikkullu Qaqortup nalaa kujasinnerpaatut killeqarfinngorsimasoq, taama oqarpoq Jens Frederik Knudsen, Nanortalimmiu, nangipporlu:
- Pissutsit ajuvipput. Tikittaaliorneqarnissarput siunertaappat, qinikkat illoqarfinnut anginerusunut eqiterutsitsinertik nassuerutigalugu saqqummiuttariaqaraluarpaat, Jens Frederik Knudsen oqarpoq.
Taanna erseqqissaavoq inuit ilaqutsiarlutik imaluunniit timersoriarlutik aallarusukkaluit periarfissaarussimasut.
Qalleqqissaavorlu qinikkat angallannikkut aningaasanik amerlanerusunik tapiissuteqartaleqqittariaqartut, nunarput isorartoqimmat angallanneq aaqqiivigineqartariaqarsorigamiuk.
Nanortalik tallimanik nunaqarfeqarpoq.
Nanortalik timmisartumik sapaatip-akunneranut tallimariarluni aasaanerani tikinneqartarpoq.
