Kujataani angalanikkut aaqqiissuteqarnissaq siunnersuutigaa

- Angalaniarneq eqqarsaatigalugu assorujussuaq Kujataamiut ajornartorsiuteqarput nunatta sinneranut akuunissamut, Nikolai Ludvigsen oqarpoq. Qanittukkut qineqqusaartut silarlummat Qaqortumiit Nanortalimmukaraluarlutik utiinartariaqarsimanerat assersuutigineqarpoq. -Ukiup sinnerani kujataaniit angalaniaraluit uniinartarput, taamaammat inatsisartuni ilaasortanngortussat pimoorussillutik aaqqiissuteqartariaqarput, Nikolai Ludvigsen oqarpoq.

Kujataani angallannikkut aaqqiissuteqarnissap saniatigut saarulliit takkusimaaleriartormmata aalisartut angallateqarnikkut siuarsarneqartariaqarnerat, Narsarmijit eqqaani erngup puilasup tunisassiarineqarsinnaanera, Tasiusap eqqaani marraq illuliornermut atorneqarsinnaasoq, Aappilattullu eqqaani aatsitassaq qarmasissialiornermut atorneqarsinnaasoq inatsisartuni ilaasortanngortussat eqqumaffigisariaqaraat Nikolai Ludvigsen-ip ilanngullugu noqqaassutigaa.