18-leereersimasunut covid-19-mut akiuussusiinissamut neqerooruteqarluni, illoqarfiit nunaqarfiillu assigiinngitsut 14-t, ullut qulingiluat ingerlanerinnaani Peqqinnissaqarfiup tikissavai.Assi: KNR / Malik Brøns

Kujataani akiuussusersuinissaq sapaatit akunnerata tulliani aallartissaaq

Covid-19-mut akiuussusiisoqarniarluni, sumiiffiit assigiinngitsut 14-t Peqqinnissaqarfimmiit ullut qulingiluat ingerlanerinnaani tikinneqassapput.

Akiuussusersuisussat ataasinngornermi apriilip aqqaneq-aappaanni sukannersumik anguniagaqartumillu nunatta kujataani aallartissapput. Namminersorlutik Oqartussat tusagassiuutinut taama allapput.

18-leereersimasunut covid-19-mut akiuussusiinissamut neqerooruteqarluni, illoqarfiit nunaqarfiillu assigiinngitsut 14-t, ullut qulingiluat ingerlanerinnaani Peqqinnissaqarfiup tikissavai.

Sila apeqqutaalluni pilersaarutinik allannguisoqarsinnaavoq. Tamaattumillu corona pillugu allattoqarfiup nittartagaani malinnaanissaq inassutigineqarpoq, uani corona.nun.gl, ”Akiuussutissiineq” ataani, ”Sumiiffinni akiuussutissiinissaq”-mi.

AAMMA ATUARUK Kinguaattoorneq: Inuiattut ullorsiornissatsinnut akiuussuserneqarnissarput angumerisinnaanngilarput

Modernamiit akiuussusersuisoqarnerani inuit akiuussusersorneqarumaartut Namminersorlutik Oqartussaniit neriuutigineqarpoq.

- Akiuussusiinissaq nunami isorartuumi najugaqarfinnilu avinngarusimasuni aaqqissuusarujussuummat, sapinngisamik amerlanerpaat akiuussusertinnissaminnut akuersissasut inassutigaarput.

- Maanna akiuussuserneqarnissamik neqeroorummut itigartitsisoqarpat, kingusinnerusukkullu isuma allanngortinneqarpat, akiuussuserneqarnissamut utaqqisoqartariaqarpoq.

Savaateqarfimmiut illoqarfimmi/nunaqarfimmi najugaqarfigisatut nalunaarsorsimaffiusumi akiuussutissamik kapitikkiartussasut inassutigineqarpoq, Namminersorlutik Oqartussat allapput. 

Akiuussusersuinissamut pilersaarut aajuna:

 

Najugaqarfik

Ulloq

Vaccinationssted 

Arsuk

Ataasinngorneq 12. april

Katersortarfik

Qassimiut

Ataasinngorneq 12. april

Peqqinnissaqarfik

Igaliko

Marlunngorneq 13. april

Katersortarfik

Qassiarsuk

Marlunngorneq 13. april

Atuarfik

Narsarsuaq

Marlunngorneq 13. april

Hotel Narsarsuup cafeteriaa?

Tasiusaq

Pingasunngorneq 14. april

Innuttaasut illuat

Narsarmijt

Pingasunngorneq 14. april

Innuttaasut illuat

Aapilattoq

Pingasunngorneq 14. april

Innuttaasut illuat/ atuarfik

Nanortalik

Sisamanngorneq 15. april

Timersortarfik

Nanortalik

Sisamanngorneq 16. april

Timersortarfik

Alluitsup Paa

Arfininngorneq 17. april

Atuarfik/Timersortarfik

Ammassivik

Arfininngorneq 17. april

Utoqqaat illuat nutaanngitsoq

Saarloq

Sapaat 18. april

Oqaluffik

Eqalugaarsuit

Sapaat 18. april

Katersortarfik

Narsaq

Ataasinngorneq 19. april

Timersortarfik

Narsaq

Marlunngorneq 20. april

Timersortarfik

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat