Kujataa kulturikkut kingornussassat allattorsimaffiannut ilanngukkusuppoq
Kujataa allattorsimaffinnut aamma ilanngukkusulerpoq, qulequtariniarneqarporlu Kujataani - issittumi nunaateqarnikkut kultureqarneq ukiuni 1000-ini.
Qaammammi tullermi, tassalu septembarimi, annertuumik aaqqissuussisoqarniarpoq, qulequtserlugu "Kujataa - issittumi nunaannarmiut kulturiat ukiuni 1000-ini".
Saffiorfitoqqami Qaqortumiittumi nutaamik saqqummersitsisoqassaaq, taavalu septembarimi sapaatip akunnerisa naanerini siullerni marlunni tammaarsimaartoqassalluni.
Qaqortumiit Qaqortukuluumi oqaluffitoqaqarfimmi tammaarsimaartoqassaaq, misileraaffiussappullu Upernaviarsuk, Igaliko taavalu Narsaq aqqusaarlugu Qassiarsuk.
Aappaa Narsamiit illukoqarfiup tungaanut Dynæsip taavalu Landmandsgårdimut pissaaq.
Savamik grillersimasumik nerinissamut oqaluttuatoqqanillu oqaluttuunneqarnissamut aliikkusersoqarnissaanullu periarfissaqassaaq.
Tunngaviginiarneqartoq tassaavoq nunarsuaq tamakkerlugu nalunaaqutserneqarsimasutut peqataatinneqarnissaq.
