Kujataa attaveerullattaasoq
Narsamiit kujammut attaveqaatit ullaaq ualillu ingerlanerani kipisoorsimagaluartut Tele Greenland A/S-imiit ilisimatitsissutigineqarpoq.
Qaqortup avannaani Simiutami qaqqap qaavani sakkortusaavimmi radiokædip ajoquteqarnera pissutaalluni attaveqeqaatit tamarmik ullaaq 20.minutsini ualimullu 45.minutsit missaani atorsinnaasimanngillat, telefoonilli nalinginnaasut attaveqaanarsimallutik.
Kujataani silap ajornera pissutaalluni attaveqaatini nassitsissutit sermersimanissaat attaveerukkaluarnermut pissutaasimassasoq ilimagineqarpoq, Tele Greenland-imiillu neriuutigineqarpoq taamatut pisoqaqqissanngitsoq, tamannalu neriorsuutigineqarsinnangitsoq, silagissippallu Simiutaq ujakkarneqassasoq Tele Greenland A/S-mi paasissutissiisartoq Maliinannguaq Markussen Mølgård oqarpoq.
