Kujataa aningaasatigut imminut napatilertariaqarpoq

Qaqortumi mittarfiliortoqarnissaanik Kujataani partiit nalunaarutigisaat, Kujataani suliffeqarfinnit tapersersorneqarpoq oqarlutik mittarfittaarnerup kingueranik Kujataa aningaasatigut imminut napatilersinnaasoq.
Allattoq Apollo Jeremiassen
novembarip 23-at 2014 15:04

Kujataani partiit ataatsimoorullugu qanittukkut nalunaaruteqarput, Kujataa aningaasarsiornikkut siuariartussappat taamatullu inuiaqatigiinnut aningaasatigut siunissami artukkiiginnassanngippat, Qaqortumi mittarfiliortoqartariaqartoq ilaatigut Kujataani takornariaqarnerup siuarsarneqarnissaa eqqarsaatiginerullugu.

 

Tamannalu Kujataani suliffeqarfiit tapersersorlugu tusagassiutinut nalunaarutigaat.

 

- Kujataani partiit Inatsisartunut qiningassanngortitaasa nalunaarutaat, Kujataani suliffeqarfinnit tapersersorarput. Pingaarnertut tapersersorlutigu inuiaqatigiinnit aningaasalersorneqaannarunnaarluta immitsinnut siunissami napatilersinnaanitsinnik partiit oqariartuutaat.

 

Kujataani suliffeqarfiit partiinik ataatsimeeqatiginnereerlutik taama tusagassiutinut nalunaaruteqarput, allattuulluni Qaqortup akunnittarfiani pisortaq, Jim Riis.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq