Kujallermi siammasissumik suleqatigiittoqassanngitsoq

Kommune Kujallermi Inuit Ataqatigiit Siumumullu isumaqatigiinniarunnaarput
Assi © : Kommune Kujalleq
apriilip 11-at 2017 15:15

Kommune Kujallermi siammasissumik suleqatigiittoqassanngilaq. Inuit Ataqatigiinneersoq, Stine Egede tusagassiuutinut nalunaarummi naatsumi taama allappoq.

Stine Egede Inuit Ataqatigiinni Kommune Kujallermi taaguunneqarnerpaavoq, Siumulli kommunimut qinersinermut 2013-imut naleqqiullugu siuariarluni kommunalbestyrelsimut qulingiluanik ilaasortaatitaqartussanngorpoq, taamaasillunilu amerlanerussuteqarluartussaalluni.

AAMMA ATUARUK Borgmesterinngussaanga

AAMMA ATUARUK Isaksenip Kujallermi suleqatigiinnissaq kissaatigaa

Kiista P. Isaksen Siumumi taaguunneqarnerpaavoq, borgmesterinngornissaalu ilimanarluni. Kommunalbestyrelsissami siammasissumik suleqatigiinnissaq kissaatigalugu, Kiista P. Isaksenip KNR-imut siornatigut oqaatigaa. Tamannali tassa iluatsissimarpasinngilaq.

AAMMA ATUARUK Wæverip Siumup siuariarnera tulluusimaarutigaa

KNR-ip Stine Egede Kiista P. Isaksenilu attaveqarfiginiaraluarpai iluatsinnaguli.

Siumup Inuit Ataqatigiillu saniatigut Atassummeersoq Bentiaraq Ottosen kommunalbestyrelsimi ilaasortaalissaaq. Taanna Siumumik suleqateqarniarnersoq suli nalunarpoq.