Kujallermi meeqqat kommunimit tusarniarneqarnerusalissapput
Suleqatigiissitaliap, NAKUUSA-mit, Namminersorlutik Oqartussanit UNICEF-imillu pilersinneqartup, siunertarivaa meeqqanik isummersuisitsinikkut meeqqat inuusuttullu pisinnaatitaaffii patajaallisarniassallugit.
Aamma atuaruk ASSIT Sermersuumi meeqqat isummersorfiini pilersitsinissaq atsioqatigiissutigineqartoq
- Uani anguniagaq pingaarneq tassaavoq meeqqat inuusuttullu pisinnaatitaaffitsik pillugit ilisimasaqarnerulernissaat, aammalu inuiaqatigiinni inooqataaffigisaminni sapinngisamik tusaaneqarlutik aalajangersagassani assigiinngitsuni tusarniarneqartarnissaasa anguneqarnissaa, Kommune Kujallermi borgmesteri Jørgen Wæver Johansen oqarpoq.
Aamma atuaruk Kujallermi ilinniartitsisut meeqqat pisinnaatitaaffii pillugit ilisimasaqarnerulerput
Suliniummi Meeqqat Isummersorfii kommunini sisamaasuni meeqqat atuarfiinilu pisinnaatitaaffiit pillugit siunnersoqatigiiffiit Nakuusaaqqanik taaneqartut pilersinneqarniarput.
Nakuusaaqqallu amerlanertigut atuartunik annernik inuttalersorneqartassapput, taakkulu kommunalpolitikerinut Inatsisartunullu sutigut tamatigut siunnersuuteqartassallutik.
Aamma atuaruk VIDEO NAKUUSA appippoq: Inersimasut akulerullusi!
- Ulluinnarni sunngiffimmi periarfissat suut amigaataappat, suut pitsanngorsarneqarsinnaappat, aamma qanoq iliornikkut suliniutit assigiinngitsut meeqqanut inuusuttunullu soqutiginarsarnerullugit ingerlanneqarsinnaappat, Jørgen Wæver Johansen oqarpoq.
Kommuneqarfik Sermersooq Qeqqata Kommunialu NAKUUSA-p suliniutaanut aamma isumaqatigiissusioreerput.
