Kufferti oqaatsinik ilinniagassanik ulikkaartoq
"Qaagit - Oqaatsinik pinnguarta" oqaatsink ilinniarnermik siunertaqarpoq, kalaallillu meerartaannut atualersimanngitsunut sakkussaalluni nutaaliaasoq. Meeqqammi namminneq oqaatsiminnik kulturiminnillu nuannisarlutik ilutsit, assilissat erinarsuutillu ikiorsiuluguit ilikkagassaqarluarput.
Meeqqanut atuagaq sakkussallu assigiinngitsut oqaatsinik ineriartortitsinermi atortussatut naatsorsuutaasut "Qaagit - Oqaatsinik pinnguarta"-p imarai, kuffertillu tallimat meeqqanut atuakkiat tallimat aallaavigalugit suliarineqarsimallutik.
- "Qaagit - Oqaatsinik pinnguarta" oqaatsinik ilinniagassanik imalik meeqqanut pingasuniit arfinilinnut ukiulinnut tulluarsagaavoq, meeqqat ataatsimoortuni mikisuni kalaallisut qallunaatullu atuarsinnaanngornissamut oqaatsinillu ineriartortitsinissaannut naleqqussagaalluni, Kommuneqarfik Sermersooq tusagassiuutinut taama ilaatigut allaaserisaqarpoq, nangillunilu:
- "Qaagit - Oqaatsinik pinnguarta" iluaniippoq inersimasunut ilitsersuut, aamma DVD "Qaagit - Oqaatsinik pinnguarta" atorlugu meeqqat peqatigalugit sammisaqarnissamut isumassarsiorfiusinnaasoq, Kommuneqarfik Sermersooq ilaatigut taama allappoq.
Kuffertit taamaattut Danmarkimi meeqqerivinni oqaatsinik ineriartortitsinermi sakkutut iluatsilluarfiusimasut oqaatigineqarpoq, meeqqat atualersimanngitsut oqaatsinik ineriartortitsinermik ingerlatsiffigineqartut atuartunngorunik oqaatsitigut piumasaqaataasunu piareersarneqartarlutik, Kommuneqarfik Sermersooq ilaatigut taama allaaserisaqarpoq.