Kuannersuit suliffissanik nutaanik pilersitsiviusinnaapput

Greenland Minerals and Energy aatsitassanik qaqutigoortunik Kuannersuarni piiaasinnaatitaassappat, tamanna suliffinnik nutaanik pilersitsiviussaaq.
Allattoq Apollo Jeremiassen
februaarip 19-at 2010 05:20

Tamanna ukiut pingasut qaangiutiinnartut pisinnaavoq, Kommune Kujallermilu borgmesterip Simon Simonsenip piffissami ilungersunartumi inuussutissarsiornikkut periarfissat nutaat qujanartuussanerarpai.

- Soorunami pissanganartutut isigivarput, inuussutissarsiornikkut inerisaasussanik Kommune Kujallermi pisariaqartitseqaagut, Simon Simonsen oqarpoq.

Greenland Minerals and Energymit oqaatigineqarpoq aatsitassarsiorneq ukiuni 23-ni ingerlanneqarsinnaassasoq. Talittarfissualiortoqartariaqarpoq, marlunnik suliffissuaqassalluni sulisartunullu inissiaqarfiliortoqartariaqarluni. Taamatulli annertutigisumik allannguinissaq aatsitassarsiornerup nalaani aatsitassarsiorfillu unitsinneqareerpat ukiorpassuarni ajoqutaassasoq, peqatigiiffimmi 'Narsami uraani naaggaarpara'-mi siulittaasoq Kalistat Lund oqarpoq.

- Narsami innuttaasut 1700-t missaanniipput, taakku sinnerujussuarlugit ukiut ikittuaqqat ingerlaneranni suliffiit pilersinneqarnissaat eqqartorneqarpoq, kisianni qanorluunniit oqalukkaluarutta nalunngilarput suliffiit amerlanerpaat avataaniit inuttalerneqassasut, Kalistat Lund oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq