Kuannersuarmi aatsitassamik thoriumimik peqarluarpoq

Narsap eqqaani qaqqami Kuannersuarni aatsitassamik uran-imik akulimmik thorium-imik peqarluarpoq, nunarsuarmilu annertunerit ilagaat, siunissamilu nukissiuutitut atorneqarsinnaalluni, taamatut allaaserisaqarpoq ujarassiooq Henning Sørensen aviisimi Politiken-imi.
Allattoq Jaaku Lyberth
aggustip 26-at 2008 11:34

Aatsitassaq Thorium uranimut sanillillugu ajunngequteqarpoq. Atom atorlugu nukissiuutinit isumannannginnerulluni.

Periuseq eqqortoq atorlugu Thoriniumimik nukissiorfiliortoqarsinnaavoq, atom atorlugu nukissiuutit ajutoortarsinnaammata taamatullu Thorinium plutoniumimik igitassartaqarani.

Aatsitassarsioqatigiiffik Australiamiunit pigineqartoq pilersinneqqaqqamersorlu Greenland Minerals and Energy Ltd. (GME) Kuannersuarni uran-imik aatsitassaqarfiusumi aatsitassamik misissuisinissaanik akuersissummik tunineqarpoq. Misissuinermi aasarmanna ingerlanneqartumi 100 millioner koruunit nalingi atorneqassapput. Aatsitassarsioqatigiiffik saniatigooralugu uranimik piiaaniarluni qinnuteqassagaluarpat, kalaallit oqartussaasui ungasinnerusumik eqqarsaateqarlutik qulakkerinnittariaqartut, ujarassiooq Henning Sørensen kajumissaarivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq