Kræftimut akiuiniarfik katersuiniarluarpoq
Nappaammik kræftimik akiuiniarfiup sapaatip akunnerata naanerani nuna tamakkerlugu katersuiniarnermini 650.000 koruunit angullugit isertissimavai.
Allattoq Elisa Isaksen
Suliniaqatigiiffimmit isertinneqartut naammagisimaarneqarput.
- Tapersersuisorpassuit ikiuuttorpassuillu qamannga pisumik qutsavigaavut, siulittaasoq Johanne Olsen ilaatigut taama allappoq.
Nappaammik kræftimik akiuiniarfiup aamma neriuutigaa oqarasuaatikkut katersuiniarnissaminni, ullut 14-it qaangiuppata aallartinneqartussami, 100.000 koruunit isertissinnaajumaarlugit.
Tamanna iluatsissappat akiuiniarfiup ukiormanna 700.000 koruuninik isertitsinissamik anguniagaa iluatsissaaq.