Kræftimik napparsimasumut ilaqutaanullu katersuiniarneq iluatsilluarpoq
Katillugit 96.499 koruunit pissarsiarineqarput. Katersuiniarlutik aallarniisut neriuutigisaannit taakku amerlanerujussuupput.
- Tapersersorneqarnerujussuarput, aningaasarpassuillu isertitavut, ilimagisatsinnit amerlanerujussuupput. Akitsorserussinivut iluatsilluaqaat, oqaatsit tuppallernartut, aningaasat - aap suna tamarmi iluatsippoq, Pia Rosing Heilmann oqarpoq. Ilinniagaqarnermut Kalaallit Illuutaanni Københavnimiittumi siunnersortaanini aqqutigalugu Nini Tessing Pia Rosing Heilmannip ilisarisimalerpaa.
Nini Tessing siamassaa aammigut kræfteqarpoq, tamannalu ilaqutaanut qanoq artukkiitigisoq Kalaallit Illuutaanni misigineqarpoq, pingaartumik aningaasat tungaatigut. Peqqissartut angerlarsimaffianni najugaqarneq 6.000 koruunit sinnerlugit qaammammut akeqarpoq. Taamaammat Pia Rosing Heilmann Kalaallit Illuutaannilu Københavnimiittumi sulisut ilaqutariinnut Tessingikkunnut katersuiniarlutik aallartipput. Tunissutit, Nini Tessingip nammineq pinnersaasiaanik akitsorterussineq, taavalu nipilersortartut Small Time Giantsikkut tapersersuillutik aamma tusarnaartitsinerat aningaasanik taama isertitsitiginermut pissutaapput.
Nini Tessing pillugu ilisimalikkat inunnut allanut ilutigalugu aamma isumassarsipput. Kalaallinut kræftimik eqqugaasunut aningaasaateqarfik, Ikuala, aallartinneqarpoq, patermillu atorfissaqartitsisunut nunarsuaq tamakkerlugu allattorsimaffimmut Kalaallit Nunaanni kræftimik eqqugaasimasunut ilaasortanngorsinnaaneq Peqqinnissaqarfimmit anguneqarpoq.
