Kræftimik nappaatilinnut aningaasaateqarfik pilersinniarpaa
Nikolaj Ludvigsen Nanortalimmi najugaqartoq siornatigullu kræftimik nappaateqarsimasoq, aningaasaateqarfimmik pilersitsiniarluni suleqatissaminik ujartuilluni tusagassiuutinut nalunaaruteqarpoq.
Allattoq Louise M. Kleemann
februaarip 11-at 2008 12:29
Ukiut marluk matuma siornatigut Nanortalimmi suleqatigiiffimmik aningaasanik katersisussamik pilersitsisoqarpoq. Aningaasat kræftimik nappaateqarsorineqartunut aaviinikkut misissuinernut, siornatigut Danmarkimut nassiunneqartartunut, atorneqarput,
Atortorissaarut pissarsiarineqartoq 250.000 koruuninik akeqarsimavoq, suleqatigiiffillu maannakkut 275.000 koruunit sinnerlugit aningaasaateqarpoq.
Tamanna aallaavigalugu Nikolaj Ludvigsen Nanortalimmilu Kommunaldirektøri Frank Hedegård Jørgensen aalajangerput, aningaasaateqarfimmik 275.000 koruuninik aningaasaateqartumik pilersitsiniarlutik suleqatissaminnillu ujartuillutik. Aningasaateqarfik pilersinniarneqartoq suli atserneqaranilu ilusilersorneqanngilaq.
