Kræftimik nappaateqalersut katsorsarneqarnissaannut qularnaveeqqusiisoqarsinnaalerunarpoq

Kræftimit nappaateqalersut katsorsarneqarnissaannut qularnaveeqqummik atortitsilernissaq Naalakkesuisut isumaqatigisinnaagaat, Peqqissutsimut Naalakkersuisup Agathe Fontainip, Siumup siulittaasuata Aleqa Hammondip paragraf 36-kkut apeqquteqaataanut akissuteqarnermini allappoq.
Allattoq Apollo Jeremiassen
februaarip 20-at 2010 17:16

- Peqqinnissaqarfimmi kræftertunut katsorsaaneq naammanngitsutut nutaarsiassaqartitsivitsigut allaaserineqaraagat ajuusaarutigisarpara, Agathe Fontain oqarpoq.

Kræftilersarneq sukumiisumik qulaajaaffigineqareersinnagu, kræftimik nappaateqalersartut katsorsartalerneqarnissaannut qularnaveeqqummik maannagaaq Agathe Fontainip neriorsuisinnaanani oqaatigaa.

Peqqissutsimut Naalakkersuisup erseqqissarpaa, kræfti pillugu nuna tamakkerlugu Naalakkersuisunit pilersaarusiortoqalereermat, taamaaliortoqarlerporlu siorna ukiakkut Inatsisartut tamarmiusut isumaqatigiinnerisa kingornatigut. Pilersaarusiornerillu tunngavigalugit, qinersivik una naanngitsoq aallartisarneqassasut, Agathe Fontain neriorsuivoq.

Aleqa Hammondip apeqqutaanut akissummi aamma erserpoq, ullumikkut kræftimik napaatillit utaqqisinneqarneq ajortut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq