Kræftertut allanik nappaateqalerlutik toqusarput
Kræftertut peqqinnissaqarfimmi isumagineqarluarnerusuugunik arlallit annaanneqarsinnaagaluarput. Kræftertut ilaasa nappaartertik toqqutiginagu nappaatit allat sanngiillissutigalugit toqqutigisarpaat. Nakorsap Ramon Gordon Jensenip misissuinerata tamanna takutikkaa, Sermitsiami allaaserineqarpoq.
Allattoq Oline I. Olsen
juulip 24-at 2009 04:49
Kræftertut ilaasa nappaatit allat soorlu kaapajaarneq nuammilluunniit nipititsineq toqqutigisarpaat, Rigshospitalimilu suliaritereernerup kingorna Nunatsinni peqqinnissaqarfimmi nakkutigisaalluannginnerat pissutaalluni kræftimik nappaat toqqutaanani nappaatit allat toqqutaasartut, nakorsap, Ph.D-p Ramon Gordon Jensenip misissuinerata takutippaa.
Kalaallit niaqqumikkut toqqusaamikkullu kræftertut 1994-imiillu 2003-mut Rigshospitalimilu suliaritissimasut sooq taama amerlatigisut Ramon Gordon Jensenip misissorpaa.
Kræfteqarneq kingusippallaamik paasineqartartoq misissuinerup takutippaa, napparsimasullu Nunatsinnut uteraangata nakkutigineqarnerat amigarpallaarujussuartoq misissuinerup takutikkaa, Sermitsiami allaaserineqarpoq.
