Kræfteqartut suliarittarfii napparsimavinnut tallimanut
Ulluni kingullerni radioavis-ikkut tusarlittarpagut dansk-it napparsimaveqarfiini atugassarititaasut Danmark-imilu napparsimasut uninnganerini pissutsit ilungersunartut.
Danskit peqqinnissamut ministeriat Lars Løkke Rasmsusen maannakkut siunnersuuteqarpoq, kræft-imik nappaateqartut suliaritittarfii napparsimavinnut assigiinngitsunut tallimanut katersorneqassasut.
Kræft-imik nappaateqartut napparsimavinnut assigiinngitsunut nuuttaqattaartillugit suliaritittarnerat utaqqisitsisarnernernut ajornartorsiutaanerpaavoq, minister-i damarks radio-mut oqarpoq, taamaattumillu kræfte-imik nappaateqartut suliarineqartarfii napparsimavinnut tallimanut eqitertinniarpai, nappaammillu kræft-imik ilisimannittut Danmark-imi napparsimavinni tallimani sulisinnaanissaammata,
Kræft-i akiorniarlugu suliniaqatigiiffimmit Kræftens Bekæmpelse-mit napparsimmaviit tallimat eqitertinneqarnissaannut isumaq tapersersorneqanngilaq. Suliniaqatigiiffik isumaqarpoq, kræft-imik nappaateqartut sukkasuumik sukumiisumillu suliarineqartarnerat kigaallatinneqassasoq.
