Kræfteqarlutik aammikkulluunniit nappaateqarlutik toqusartut Savalimmiuni amerlanersaapput

Savalimmiormiut arnartaat kræfteqarlutik toqquteqarnerpaapput
septembarip 10-at 2007 05:21

Savalimmiormiut arnartaat Nunani Avannarlerni tassaalerput kræftimik aammikkulluunniit nappaateqarlutik toqquteqarnerpaasartut.

Islandimi, Kalaallit Nunaanni Danmarkimilu arnat kræftimik taqqakkulluunniit milittoorlutik toqusartut ukiut kingulliit qulit ikiliartoraluartut, Savalimmiuni killormorluinnaq pisoqarpoq.

Savalimmiormiut arnartaat kræftimik aakkulluunniit nappaateqarlutik toqquteqartartut sooq taama amerliartortiginersut Savalimmiuni nakorsaanerup, Høgni Debes Joensenip, erseqqissumik nassuiarsinnaannginnerarpaa, Nunanimi Avannarlerni allani ikiliartormata.